భయం

Sept 29, 2019 Dallas
దేహావస్తలకు మానసిక ఆందోళనకు కారణం భయం,, ఇది భూమిపై పుట్టిన ప్రతీ ప్రాణికి ఉంటుంది,, చావు కంటే మించిన భయం, గోచీ కంటే మించిన దారిద్య్రం లేదు అంటారు,
నిజమే కానీ, పిల్లలకు కొత్త మనుషులు అంటే భయం, యువకులకు ఉద్యోగ ము దొరక దని భయం. ఉద్యోగులకు క్రమశిక్షణ భయం, వృద్దులకు ఆదరణ భయం,
బయట కాలు పెడితే చాలు, ప్రమాదాల భయం,ప్రతివాడికీ గుర్తింపు కోసం భయం,
చనిపోయిన వారి శవాలను చూస్తే ఉండాల్సిన భయం, బ్రతు కుతెరువు కోసం చేసే అగచాట్ల లో ఆరాటం తో, అనుక్షణం  భయం చూస్తుంటాం,
భయానికి మరో పేరు టెన్షన్, నీవు భయపడుతున్న వూ అంటే ఒప్పుకోరు, కానీ టెన్షన్ అనేది ఉదయం లేస్తూనే, ప్రారంభం అయిన ఆరాటం, పోరాటం ఆవేదన, తొందర, మనః శాంతి లేకుండా కాలు కాలిన పిల్లిలా ఉరుకులు పరుగులు. వజ్రాయుధం లా చేతిలో ఫోన్, బయట ఆటో, విమానం, ట్రైన్, బస్సు కార్లు, ఇలా ఏది వీలైతే దానితో దేశాలు తిరుగుతూ, గమ్యం టైమ్ కు చేరుతా మో లేదో, పని అవుతుం దో కాదో, అన్న భయం పీకుతూ ఉంటుంది
, కానీ కనబడకుండా మేకపోతు గాంభీర్యం మాత్రం ప్రదర్శిస్తూ ఉంటారు, అంటే నటిస్తూ ఉంటారు,,
ఇలా జీవించాలంటే అలా నటించడం తప్పదు అన్నట్టుగా ఎంత ఆత్మీయుల కైన భయానికి కారణం గా ఉంటున్న ఆస లు విషయం చెప్పకుండా దాస్తూ, దాస్తూ, తన వారి కి కూడా  పరాయి వారు అవుతుంటారు,
నిజమే, చెప్పకూడని విషయాలు ఉంటాయి, కానీ వాటి గురించి టెన్షన్ తో, బాధ పడుతూ, అనుకున్నట్టు కాకపోతే ఆవేదనతో కుమిలి కుమిలి పోతూ, కలిగే దుఖాన్ని కక్కలేక, ఆత్మీయులతో పంచుకొలేక,, సమస్య పరిష్కారం కోసం ఎవరిని అడగలేక, గుండె జబ్బు లు లాంటి భయంకరమైన వ్యాధులు కోరి తెచ్చుకునే వారు చాలా మందిని చూస్తుంటాము
భయానికి కారణం భయం కలిగించే విషయం పై అవగాహన లేకపోవడమే కదా,
పరీక్షిత్తు మహారాజు గారు తన చావుకు వారం రోజుల గడువు తెలుసుకొని, పరిష్కారం కోసం విజ్ఞుల ను ఆశ్రయించాడు
సమస్య చావు దైన మరేదైనా, అర్థం అయితేనే గానీ, భయం పోదు, పరిష్కారం కాదు కదా,, ఇందులో మరొక పాజిటివ్ thinking ఉంది, దానిని అనుభూతి అంటారు,
ఈ రకమైన అనుబంధం లో భయం ఉండదు, ఎన్ని రకాల పనులను చేసినా, ఈ అనుబంధం అనే అద్భుతమైన బంధం తో బ్రతుకు ను ఆనందమయం చేసుకోవచ్చును, ఎన్ని కష్టా లైన, ఇష్టంగా భరించ వచ్చును,
కష్టాలు భయాలు, సమస్యలు లేనివాడు పృత్వి లో లేడు కదా, వాటిని అధిగమించడం, లేదా మరచిపోవడం  కేవలం వాటితో అనుబంధాన్ని పెంచుకోవడం వల్లనే వీలవుతుంది,,! ఉదాహరణకు,
ఒక సామాన్య గృహిణి, ఉదయం నుండి సాయంత్రం వరకూ, తన ఇంట్లో ఎన్నో విభిన్నమైన పాత్రల లో జీవిస్తూ , పని ఒత్తిడికి గురి అవుతూ, అలసట, అయినా విశ్రాంతి నోచుకోకుండా నిర్విరామంగా తన ఇంటి పని చేస్తూ, ఉండటం ! ఆమె సేవకు గుర్తింపు, ఆదరణ, వేతనం, గౌరవం, సెలవులు, లాంటివి ఇవేమీ కోరకుండా, నిస్వార్థంగా తన కర్తవ్యాన్ని సక్రమంగా, క్రమ శిక్షణ తో చేసుకొని పోతుంది,
తన భర్త, పిల్లల పైన ఉన్న ప్రేమానుబంధం తో ఇబ్బందులు ఎన్ని ఉన్నా సహిస్తుంది, అడ్డంకులు ఎన్ని ఎదురైన అధిగమిస్తూ ఉంటుంది, ఇంటిలో పనే గాకుండా, బయట ఉద్యోగాలు చేస్తూ కూడా, మెండైన అత్మ విశ్వాసం తో, నిండైన గుండె బలం తో, ఎంతో మందితో అనుబంధాన్ని పెంచుతూ, దృఢమైన వ్యక్తిత్వాన్ని, అలవరచు కుంటుంది,
అలాంటి సామర్థ్యం గల ఇల్లాలి జోలికి ఏ భయము వెళ్ళదు, ఎందుకంటే అభిమానం ప్రేమా, ఆప్యాయత అనురాగం అనబడే అనుబంధాలు , ఆమెకు సమస్యను అర్థం చేసుకొని, సులువుగా సాధించుకునే ప్రజ్ఞ ను, వారి విజ్ఞతను, పరిణత ను తన జీవితఅనుభవాల ద్వారా సంపాదిస్తుంది ,
, అందుకే , విజయ సోపానం సులభంగా అధిరోహించాలని ఉంటే,నిర్భయంగా, ఏ సమస్యను అయినా సాధించాలని అనుకుంటే, అనుబంధం తోనే అవుతుంది సుగమం.
ఎంత పెద్ద సమావేశం అయిన, కుటుంబం గ్రామం, నగరం చివరకు దేశ దేశాల ప్రముఖ  నేతల ద్వారా అయినా చర్చలు సఫలం కావాలంటే ముందుగా చిరునవ్వే సమాధానం గా సమస్యకు స్వాగతం పలకాలి, ఎదుటి వ్యక్తిని గౌరవాభిమానాల తో సత్కరించా లి,
ఈ విధంగా మనిషి మనిషికీ అనుబంధం పెరగాలి, అందరూ ఐకమత్యంగా ఉండాలంటే, ఒకే త్రాటి పై నడిపించాలని అనుకుంటే స్నేహం, లేదా బంధుత్వం, లేదా మంచితనం, మంచి మాట, లాంటి సంస్కార ఔన్నత్యాన్ని చాటుతూ, మానవత్వం అనే సున్నితమైన, అద్భుతమైన, ఉత్కృష్టమైన , పరమానంద కరమైన, సభ్య సమాజానికి శ్రేయస్కరము అయిన ఆత్మీయత అనే దైవ సంబంధం తో శాశ్వత, సహజీవన శాంతియుత సత్సంబంధాలను మన మధ్య పెంచుకోవాలి ,
, అనుబంధాలు తెలియని జీవితం అంధకార బందురం,అగమ్యగోచరం , అయోమయం, జంతు ప్రాయం,,
, మానవ జీవనాన్ని  అనుబంధము అనబడే ఒకే ఒక మహత్తరమైన శక్తితో  సార్థకం చేసుకోవచ్చును,,
పిల్లి కుక్కా పులి సింహం, ఆవు లాంటి జంతువులలో అనుబంధాలు అసలే ఉండవని అర్థం కాదు,, ప్రాణం ఉన్న ప్రతీ జీవి కి మరొక జీవి తో  ఎంతో కొంత అనుబంధం ఉండి తీరుతుంది, కానీ, వివేకం తక్కువ కనుక, జంతువుల్లో ఎక్కువగా  స్వార్థం వుంటుంది ,
, అదే మనిషిలో అయితే, ప్రాణానికి ప్రాణం ఇచ్చేంత అనుబంధం,  త్యాగభావం, నిస్వార్థ ప్రేమ ఇచ్చి పుచ్చు కు నే తత్వం, విచక్షణా జ్ఞానం ఉంటుంది కనుక, భయ రాహిత్యం గా జీవించే వీలు ఉంటుంది
, జీవితంలో అందాన్ని అనందాన్ని, సంతృప్తిని, ప్రశాం తంగా అనుభవించడానికి  కావల్సిన అనుబంధాలు ఆత్మీయతల తో మధురానుభూతి నీ పొంద డానికి ధృడ సంకల్పం చేస్తూ, ఆనందమయ జీవనాన్ని గడుపుదా ము, స్వస్తి
హరే క్రిష్ణ హరే కృష్ణా