"కానుక "

   Oct 1, 2016 Karimnagar

"ఇప్పుడు అనుకుంటే ఏం  లాభం ?--

 "చేతులు కాలాక ఆకులు' పట్టుకున్నట్లు 

వేళ్ళు వణికి -నీటీగ్లాస్ పట్టుకోలేనప్పుడు --

మోకాళ్ళలో నొప్పితో నడక భారం  అయినప్పుడు -

మెడలో - నడుములో నొప్పితో బాధ పడుతున్నప్పుడు  --

మతి మెరుపుతో -జ్ఞాపకాలు మరుగున పడుతున్నప్పుడు -

కళ్ళధ్ధాలు లేకుండా -అడుగుకూడా  వేయలేనప్పుడు --

తాతగారూ - పెధ్ధాయనా -అన్న పిలుపే తప్ప -

అసలు పేరు  ఎక్కడా వినపడనప్పుడు --

కన్నవాళ్ళు ఫోన్ చేస్తేకూడా  -వినే  ఓపిక లేనప్పుడు -

అయినవారి నుండి ఆదరణ ప్రేమ కరువైనపుడు 

చిత్త్త చాంచల్యం తో -దేవుని పై మనసు నిలవనపుడు - -

   అది చేయలేదని - ఇది చేస్తే బావుండేదని -

అలా ఎందుకు చేయలేక పోయానే -అని గాని -

ఎంత కుమిలితే మాత్రం  ఏం  లాభం --

అందుకే  దీపం ఉన్నప్పుడు ఇల్లు చక్కబెట్టాలి -

వయసులో ఉన్నప్పుడే -మంచి పనులు చేయాలి -

పదిమంది చెప్పుకునేలా  వ్యక్తిత్వం ఏర్పడాలి -

ఎంజాయ్ చేయడం కాదు -సంతోషంగా బ్రతకాలి 

నవ్వుతు నవ్విస్తూ తృప్తిగా జీవించాలి -

మనిషిగా ఎదగాలి - ఇహపరాలు రెండు సాధించాలి 

నిజాయితీతో  -పరోపకారభావం తో మంచిని పంచాలి -

నలుగురికి ఆదర్శంగా-మార్గదర్శిగా మెదలాలి -

 "మనిషిగా "అందరిలో పరమాత్మ ను దర్శించాలి -

 ఒక్క క్షణం కూడా వ్యర్థం చేయకుండా -

మానవజన్మను సార్ధకం చేసుకోవాలి --

ఇన్నిఇఛ్చిన దైవానికి  -సమర్పించే" కానుక" ఇదే !