ఒంటె _తాడు _ మోహ పాశ బంధనం_2

June 8, 2020
    మనిషి ,,జంతువులకు  "ఎర" వేసి పట్టి ,,వాటిని  తాడుతో కట్టి బంధించి ,అవి తాను చెప్పినట్టు వినెవరకూ,, చెయ్యమన్నది చేసేవరకూ  దాన్ని  బోనులో   వేసి , వాటిని  తిండికి ,దప్పికి మాడ్చి ,తనకు నచ్చినట్టు గా  ఆడిస్తూ, ఆ మూగ జంతువులను బొమ్మలు చేసి ,తాను పబ్బం గడుపుకుంటు ,దాన్ని  ప్రదర్శిస్తూ  డబ్బును సంపాదిస్తూ  ఉంటాడు
__ పాపం విధి లేక,, తమ సహజ గుణాలను మరచి , కృత్రిమ అలవాట్ల ను నేర్చుకుంటూ __కొన్ని రోజులకు  అదే అలవాటై  ఏ తాడు లేకుండానే  అవి అతడికి కట్టు బానిసలు గా స్థిరపడి పోతుంటాయి __, పులి సింహము ఎలుగుబంటి ,ఏనుగు ,చిరుత వంటి  క్రూరమైన మృగాలను   కూడా  అతడు కీలు బొమ్మలుగా మార్చి __ఆడిస్తూ ఉంటాడు
__కారణం ,  అవి అజ్ఞానంతో  _  ఆహారం పై మోహం తో _వాడు పన్నిన వలలో చిక్కుకోవడం , వల్ల బందీ అవుతున్నాయి _
   అందమైన రామ చిలుక లాంటి పక్షులను అయితే _ చేపలకు ఎర వేసి పట్టినట్టుగా  పట్టుకొని  పంజరంలో బంధించి  సొమ్ము చేసుకుంటూ ఉంటాడు ___
ఇది   ఏ మాత్రం ఇంగిత జ్ఞానం లేని మూగ జంతువుల విషయం !!
__ కానీ , ఈ  మనుషులు మాత్రం , ఎలాంటి తాళ్ళు కూడా అవసరం లేకుండా   కేవలం ""మోహం " అనే పాశాలకు అంటే కంటికి కనపడని తాళ్ళ కు   ఒకరికొకరు  జీవితాంతం బందీలై ఉంటున్నారు , కదా !!
ఈ  త్రాళ్లు మాత్రం ,కంటికి కనపడని _మహ శక్తివంతమైన ,బంధనాలు ,
!ఇవి  మనం తెంపుకుంటే తెగే వి కావు ,!
పైగా ,ఎంత మందితో ఎంత  మమకారాన్ని ,బందుత్వాన్ని , పెంచుకుంటూ ఉంటే ,రాకపోకలను ,,ఇచ్చుకుని పుచ్చు కోడం ఎంతగా చేస్తూ ఉంటే , అంతగా  వాటితో ,మరింతగా , ఇంకా ఇంకా గట్టిగా  ,బలమైన మోకు తాడులా తయారై ,, అడుగు కదలనీయకుండ , వారికి వేరే ఆలోచన. ఏదీ  రానీయకుండా ,,అదే ధ్యాస అదే ,యావ ,అదే పిచ్చిలో లేవకుండా  అతః పాతాళ లోకాల లో కి త్రోసి వేయబడుతూ ఉంటాడు;!
ఆ మోహం l అనే బంధనం భార్యా భర్తల దే కావచ్చు ,! తండ్రీ కొడుకుల, తల్లీ కూతుళ్ళ , స్నేహితులు ,బంధువులు , యజమాని సేవకుడు  లదే కావచ్చు !,ఇలా ఇద్దరు వ్యక్తుల మధ్య ఉంటున్న  ఏ బంధం అయినా ,ఎక్కువైతే మోహా న్ని ,ఇంకా అతిగా  పెంచుకుంటే  వ్యామోహాన్ని కలిగిస్తూ ఉంటుంది ,!
ఒకమనిషి తన పెంపుడు జంతువు  , పిల్లి కుక్కా లాంటి పై పెంచుకునే మమకారం కావచ్చు _
ఏదైనా  తాను కదలకుండా ,ఇతరులను వదలకుండా  అంటిపెట్టుకొని ఉంటూ ,స్వేచ్చగా విహరించే అవకాశాన్ని కోల్పోవడానికి  వేసుకున్న  బేడీ లే కదా !!
రామాయణం లో రావణుడు ,, ఆ  సీత మ్మపై,, పెంచుకున్న స్త్రీ  వ్యామోహం , తో పతనం అయ్యాడు
, భారతంలో దృతరాష్ట్రుడు , తన కొడుకు పై పెంచుకున్న పుత్ర వ్యామోహం తో , తమ వంశాన్ని , లక్షలాది  తమ  కుటుంబాలను ,
సర్వ నాశనం  చేసుకున్నా డు కదా ! __
ఈ"" బంధనాలు లేకపోతే మేము  బ్రతకలే ము"" అనే బలహీనత ,నిస్సహాయత తో బలవంతంగా ఈ బంగారు సంకెళ్లను మనకు మనమే ఏరి కోరి తగిలించు కుంటు , అదే ఆనందం అన్న ""పిచ్చి భ్రమ""లో బ్రతుకులు ఈడుస్తు గడుపుతూ ఉన్నాం _ మనం !!
ఈ "మోహం " అనే బీజాన్ని , మనిషి    మనసు అనే  తన  అందమైన ఆనందకరమైన  హృదయక్షేత్రం లో  నాటుకొంటూ ,,దానికి  మమత అనే నీరు పోసి,, శ్వాస తో  చక్కగా  గాలి అందిస్తూ ,దాన్ని మొక్కగా పెంచి పోషిస్తూ ,  క్రమంగా వృక్షం గా పెంచేస్తూ ఉన్నాడు  ___
_  ఎన్నటికీ తీరని దాహం లాంటి  __మోహం  అనబడే __కామం" అనే అగోచర బంధనం తో_స్వయంగా  తనకు తానై  తన మెడకు వదలకుండా బిగించు కుంటు ఉన్నాడు,__
ఈ  బంగారు సంకెళ్లను , స్వర్ణ కంకణాలు  అనే ఆశా మోహ పాశాలను _ కట్టుకొడం సులభమే ,!
చాలా తేలిక !
కారణం ఇది. తన  స్వార్థం కోసం చేస్తున్న పని !;
కానీ దాన్ని విడిపించు కోవడం ,లేదా దాని పట్టు నుండి విడివడ టం మాత్రం  తనకు సాధ్యం కాదు ! కారణం ,దీనికి త్యాగం అవసరం ,!.
అంత పరిపక్వత , పరిజ్ఞానం , తన వద్ద లేదు , గత జన్మలో కూడా ఇలాంటి త్యాగం అనబడే ధనాన్ని సంపాదించ లేదు ,,కూడా ;;
.  ( ఇంకా ఉంది)
  స్వస్తి !
  హరే కృష్ణ హరే కృష్ణా !