శ్రీ రామ కోటి

June 26, 2020

శ్రీ రామ కోటి పుస్తకాలు రాస్తూ , పుణ్య చరితు డ య్యాడు,
ఇంటి కేదురుగా వాకిలి లో ఆ చెక్క బల్ల పై కూర్చుని ,   చెక్కపెట్టే పై  పెద్ద  రామ కోటిపుస్తకాన్ని  ఉంచి , కలం సిరాతో ముంచుతూ శ్రీ సీతా రామ అని మనసులో  అనుకుంటూ ,, తల వంచి ,, రామ  నామాలు  రాస్తూ,ఇలా   అనేక బైండు బుక్ లు రచించి    భద్రాచలం దేవాలయం సన్నిధానం లో సమర్పించిన  శ్రీ రామ భక్త వరే న్యుడు మా తాతగారు ,
కీర్తి శేషు లు     చల్లూరు వేంకటేశ్వర రావు గారు
  గోడలకు నాల్గు వైపులా రామ చంద్రుని చరిత్ర సూచించే తైల వర్ణ చిత్రాలు దాదాపు పన్నెండు ఉండేవి
,, అవి రెండు వెడల్పు ,నాలుగు  పొడవు  ఫీట్ల కొలత లతో అందంగా ఉండేవి
75 ఏళ్ల కిందటి విషయం ఇది ,
  ఆయన తో బాటు , ఆయన  కుటుంబం  అంతా , శ్రీ రాముని ఆరాధన లో  పూజిస్తూ కొలుస్తూ ,తరించారు ,
ఆ ఇంటిలో ఒక పెద్ద గది కేవలం పూజ కోసం ఉండేది
ఆరుగురికి సరి పోయె ఒక గద్దె పై  కూర్చుండి  గంటల కొలది పూజలు చేస్తూ ఉండే వారు
,, భార్య శ్రీమతి వెంకటమ్మ , ,రామడుగు సంస్థానం ఆడబడుచు , ఆరుగురు కొడుకులను , ఇద్దరు బిడ్డలను  కడుపారా కన్న తల్లి ,
,మేము రాముని వారము అనిపించేలా , రామ నామం గానం , రామ కోటి రచన చక్కగా జరిగాయి ,
ఆయన పెద్ద కొడుకు , అపర భక్త రామదాసు,
ప్రతి రోజూ ఉదయాన్నే లేచి ,, గొంతెత్తి   సుమధురంగా ,,సుప్రభాత గీతాలు పాడుతూ
తొక్కుడు హార్మోనియం వాయిస్తూ, ఆనందంలో మునిగి పోయేవాడు
ఆనంద రామాయణం కూడా తన స్వంత కవితలతో రాసి, శ్రీ రాముని సేవలో  తరించాడు
శ్రీ రామ నవమి రోజు సందర్భానా తొమ్మిది రోజు లూ ,, ఆముదం నూనె దీపాలు  వెలిగించి  తబలా చిరతల వాద్య కారుల సహచర్యం తో , హార్మోనియం సంగీత విభావరి లో అద్భుతంగా శ్రీ రామ చరిత కవితా గీతాలు భజనలు పద్యాలు , గానం చేస్తూ , తెల్లార్లు , మేల్కొని ఉంటూ,, ఆ ప్రాంగణము , అపర  శ్రీ రామ చంద్ర భగవానుని  దర్బారు వలె , దివ్యంగా రామ నామ గానం చేస్తూ ఉండే వారు,
అలాంటి సంస్కారం సంప్రదాయం ఆచారం కట్టుబాట్లు మధురం
అలా  దైవ సాక్షాత్కారం చేసుకుంటూ జీవన్ముక్తి నీ సాధించిన ఆ పుణ్య జీవులు మా పూజ్య పితరులు  , పితృ దేవులు నిజంగా ధన్యులు ,
వారి పేరు తలచిన ,వారి బాటలో నడచిన , వారు చేసిన రామ  భజన లో ఏ కొంత సేపైనా చేసినా ,
మన జన్మ ధన్యం అవుతుంది కదా,
మనమూ రాముని వారమే అని నిరూపించు కొందాం
హే శ్రీ రామచంద్ర కరుణా సాంద్రా , నీ నామం మధురం
నిన్ను సేవించిన వారి బ్రతుకే మధురం
నీ నామ స్మరణం , నీ నామ భజన ,రచన , భావన సేవన పూజన అర్చన శ్రవణ ,తో ఉత్కృష్టమైన ఈ మానవ జన్మను చరితార్థం చేసుకునే వారి బ్రతుకే మధురాతి మధురం కదా
జై శ్రీ రామ్
జై జానకీ మాతా
జై హనుమాన్
స్వస్తి
హరే కృష్ణ హరే కృష్ణా