అక్కా అక్కా

Jul 27, 2020
""అక్కా అక్కా ,_!""
  ""ఎవరు ,!? ఎవరా పిలిచింది _?
"నేను అక్కా _!నీ తమ్ముడి ని _!"'
  తమ్ముడా_? , నాకా ,_?  ఎవరూ లే రే_?
  _ఇదిగో _!ఇక్కడ అమ్మ కడుపులో  నుండి నిన్ను  పిలుస్తున్నా ,_!" ఇటు చూడు అక్కా _!""
   ఏమిటి మా అమ్మ కడుపులో నుండా_?
నీకు మాటలు వచ్చా _?
    _"ఏమో_? నాకు తెలియదు_! , ఈ మాటలు ఏమిటో  _నేను ఎక్కడ ఉన్నానో _?"
      _" చిత్రం గా ఉంది ,_! ఇదేమిటి _? అమ్మ కడుపులో నుండి బయటికి వచ్చాక _రెండేళ్లకు కూడా రాని మాటలు__ నీకు అప్పుడే ఎలా వస్తున్నాయి  ?_"
   _అదంతా నాకు తెలియదు గానీ _అక్కా _ నాకంటే ముందు నీవు వచ్చావు కదా _బయటకు,_!
అక్కడ ఎలా ఉంది_?,నాకు చెప్పవూ_?
_తమ్ముడూ _!  ముందు ఇది చెప్పు__ నీకెలా ఉంది _? అమ్మ కడుపులో ఉంటే _?
"అమ్మో_! ఎం చెప్పను_ అక్కా ,_!; అంతా అయోమయం ,_! గందరగోళం_! భయానకం _!,  ఎటు చూసినా చీకటి,_! అంతా దుర్వాసన , ఎదో చిక్కగా  ఏదో  తగుల్తూ ఉంటుంది _!  నన్ను చుట్టుకుంటూ ఉంటుంది _! భరించలేని వాసన ,దుర్గంధం _! శత్రువు కు కూడా ఈ అవస్త రావద్దు _!  మహా ఘోరంగా ఉంది అక్కా_! ,ఎప్పుడూ బయట పడదామా_! అనిపిస్తూ ఉంటుంది _!,   ఈ నరక కూపం లో నుండి_!
చీ చీ నా మల మూత్ర ముల లోనే తేలుతూ మునుగుతు ,  , అక్కా _!
చెప్పలేని బాధ _! _;
_! అలాగా   తమ్ముడూ _!అంత కష్టంగా ఉంటుందా ,?!"
"కష్టం _" అని మెల్లిగా అంటున్నావా అక్కా_!  , ""గర్భ నరకం ""అంటారు చూడూ , __ అదే ఇది _!_పాపం _!,నాకే ఇంత దురవస్థ గా ఉంటే  ,_ఇక ,అమ్మ  నన్ను మోస్తూ , పనిచేస్తూ ,నాకోసం తింటూ ,,నేను మెదులుతూ తన్నుతు  ఉంటే ,ఎలా భరిస్తూ ఉంటుందో_ కదా ! , ఆమె అవస్త తలచుకుంటే. నాకు  బాధగా ఉంది అక్కా_!""
  _అయినా _ కొత్తగా నీకు చెప్పేది ఏముంది _!నీవు కూడా ఈ అవస్త పడ్డావు కదా _!,నేను పడుతున్న    బాధ నీకు కూడా తెలిసి ఉండాలి కదా _ అక్కా _!""
_"లేదు తమ్ముడూ _;!  అమ్మ కడుపులో ఉండగా ఏం జరిగిందో గానీ  నేను ,బయటకు వచ్చాక. మాత్రం__ ఏమీ జ్ఞాపకం లేదు , నాకు _!
ఈ చిత్రం ఏమిటో ఇప్పటికీ  నాకు అర్థం కావడం లేదు సుమా_!""
  "అక్కా , ఎలా ఉంటోంది నీకు  అక్కడ ,_?!; నీకు  సంతోషంగా  ఉందా_?? ,చెప్పు _అక్కా _!""
    _ తమ్ముడూ _;ఇక్కడ  చాలా అందంగా_ ఆనందంగా_ ఉంటుంది_!  ,మాటల్లో చెప్పలేం _; వస్తె నీకే తెలుస్తుంది _;"
_"" అందంగా"" అంటే_ ఏమిటో _ వివరంగా చెప్పు అక్కా_!""
   "అందం "అంటే    మనం చూసే ప్రతీ పదార్థము ,_ఇంకా _ఇంకా చూడాలని అనిపించేది _!
    ""అవునా _!అలాంటివి  ఏమిటో _కొన్ని చెప్పు  అక్కా__!"
    "అబ్బో _;అనేకం ఉన్నాయి _! ఏం చెప్తాం _; ఎన్నని చెబుతాం _! అంతా కలిపి ప్రకృతి అంటారు_! తమ్ముడూ ఒక్క మాటలో చెప్పాలి అంతే  ,
"అందం "అంటే అమ్మ ,_!"
అంతే _!""
_అక్కా _ఏమిటి _? మన అమ్మ  అంత అందంగా ఉందా _?? నిజంగానా _!
     ""నీవు చూస్తావు గా _! ఎందుకు తొందర _!
  _ అయితే  "ఆనందం"" అంటే ఏమిటి అక్కా _??
    ఆనందం అంటే , _అమ్మ  నాకు పాలు ఇస్తూ ఉంటున్నా,_ గోరు ముద్దలు తినిపిస్తూ వున్నా _, లాలి పాట పాడి నా _, అమ్మ నవ్వినా __ఎత్తుకొని ముద్దాడిన   __అమ్మ తన కళ్ళతో ప్రేమగా  నన్ను చూస్తూ ఉన్నా__నా , బుగ్గలపై   ప్రేమతో ముద్దు పెట్టుకున్నా__, స్నానం పోస్తూ ఉన్నా , __ , ఉయ్యాల జంపాల ఊపుతూ ఉన్నా , __ తన  గుండెలకు దగ్గరగా నన్ను సుతారంగా  హత్తుకుంటూ ఉన్నా ,__
ఎంత హాయిగా ఉంటుందో చెప్పలేను రా నాన్నా_!!
" నేను పొందుతూ ఉంటున్న  ఆ  హాయి" నే "ఆనందం "అంటారు  రా కన్నా ,_!""
__"అక్కా _!నీవు  ఇలా  చెబుతుంటే   _నాకు ఎంతో సంతోషంగా ఉందే అక్కా_! నా బాధ లన్నీ మరిచి పోతున్నాను అక్కా _!""
    _"" కాని _తమ్ముడూ _; నీకు ఒక నిజం చెప్పాలని ఉందిరా తమ్ముడూ _!"
__""ఏమిటి అక్కా_ అది_?? నీవు చెబుతూ ఉంటే_ నాకు ఇంకా వినాలి_! ఎంతో ఆనందం  అనిపిస్తూ ఉంది అక్కా_!
     నా ప్రియమైన _ తమ్ముడూ _!
"ఆనందం _అందం _!"ఇవి మనకి ఇవ్వడానికి _ నిరంతరం _అమ్మ ఎంత కష్టపడుతూ ఉంటుందో  _నీకు తెలియదు  గా _!,పాపం _! తనకి కంటి నిండా నిద్ర _ కడుపు నిండా తిండి _ తగిన విశ్రాంతి , ఉండవు_!! , సరికదా _!తాను ఎంత బాధ పడుతూ ఉన్న __బలహీనంగా ఉన్నా __ఎవరికి  చెప్పుకో దు రా కన్నా_!
__""అవునా అక్కా __!"
_అంతేకాదు  తమ్ముడూ _!;ఎన్ని  చేదుమందులు  తింటుంది _! ఎన్ని ,ఉపవాసాలు చేస్తుందీ  _;  ఎంత శ్రమ పడుతూ ఉంటుంది  చెప్పలేను రా ,_! అమ్మను చూస్తుంటే   నాకు ఏడుపు  ఆగడం లేదు రా తమ్ముడూ ,__!!""
_ ఎడవకు అక్కా _!అలా  నీవు అమ్మ కష్టం గురించి చెబుతూ ఉంటే _నిజంగా  నాకూ దుఖం వస్తోంది సుమా _!""
  " ఒక నిజం  తెలుసుకో తమ్ముడూ _!అమ్మ ఒడిలో ఉన్నంత వరకే _మనకు  అందం _ఆనందం._; మనం   పెరిగి పెద్దయ్యాక_ క్రమంగా  అమ్మ ఒడి దూరం అవుతుంటే  __ఇక  మనం పడే  _బాధలు _కష్టాలు_ బాధ్యతలు _బరువులు_ కన్నీళ్లు _అన్నీ  క్రమంగా ఎక్కువ అవుతుంటాయి  తమ్ముడూ_!""
  ""అక్కా ,ఏమిటీ _??ఇక్కడే అనుకుంటే __అక్కడ కూడా ఉంటాయా బాధలు అక్కా _?!""
" అయ్యో _!తమ్ముడూ_! అమ్మ కడుపులో ఉండేది మనం  తొమ్మిది నెలలు మాత్రమే _!!
__ కానీ ఇక్కడ  భూమిపై పడ్డాక _ ఏదైతే" అందం_ ఆనందం _""అనుకుంటూ ఉన్నామో __దాని వెనక కష్టాల కడగండ్లు  కూడా దాగి ఉంటాయి రా  తమ్ముడూ__!""
_""అక్కా _;ఇదంతా  నీకెలా తెలుసు __!నీవు చిన్న పాపవే కదా  __!""
__" తమ్ముడూ _! మన  అమ్మ దగ్గరికి వచ్చే పోయే వాళ్ళను  నేను గమనిస్తూ ఉన్నాను  _!
వారంతా ,ఏడుస్తూ విచారిస్తూ _ బాధ పడుతూ __ఏదో పోయిందని __ఎవరో పోయారని __ జరగ రానిది. ఎదో  జరిగింది __!"అనీ ఎప్పుడూ _ విచారంగా _విషాదంగా  తమ  గోడును అమ్మ తో చెబుతూ  వెళ్ళ బోసుకుంటూ చెబుతూ ఉంటారు,_! అది నాకు కొంత తెలుస్తూ ఉంటుంది _;""తమ్ముడూ _!""
   _""అక్కా  అక్కడ  అంతా ""అందం _ఆనందం_"" గా  ఉంది అన్నావు కదా __!_ మరి మళ్లీ ఇదేమిటి అక్కా_?! వాళ్ళ  ఈ ఏడుపు  అంతా దేనికోసం అంటావు _??" _
  __"అదే నాకూ అర్థం కావడం లేదు_ తమ్ముడూ _! నాకైతే  _అమ్మ ప్రేమలో తప్ప _అందం _ఆనందం మరెక్కడా కనిపించడం లేదు ,_!;
   _సరే గానీ తమ్ముడూ_; నీవు ఎక్కడి నుండి వచ్చావు __? ఎవరు నీవు _?, గతం ఏమైనా నీకు  జ్ఞాపకం    ఉంటే చెప్పు  _!
_ ఇక్కడి విషయాలు _ఎలాగూ నీవు బయటకు వస్తావు గా  _అప్పుడు నీకే తెలుస్తుంది __!ఈ అనంతమైన సృష్టి విశ్వం , చీమ_ దోమ _మనిషి _సకల ప్రాణులు _ ఇదంతా   స్వయంగా  నీవే తెలుసుకుంటా వు  కదా ,__!
_ తమ్ముడూ_! ఈ ధరిత్రి అందాల  గురించి మాటల్లో చెప్పలేం ,_; అనుభవిస్తూ ఆనందం పొందాలి గానీ _!!" ఇక  , నీ కథ  వినాలని ఉంది  చెప్పు _ తమ్ముడూ _;""
_ అక్కా _ నాకు లీలగా కొంత తెలుస్తూ ఉంది_!, ఏ జన్మ నో_ ఏ పుణ్యమో__  ఏ మాయ నో_ ఏమిటో  నాకు
తెలియ డం లేదు గానీ  __ అక్కా _; భగవంతుని అనుగ్రహం   వల్ల ఈ మాత్రం  జ్ఞానం నాకు   లభిస్తూ ఉంది _;
నేను ఎక్కడ ఉన్నానో ,_ ఎంత బాధలో ఉన్నానో __ ఎందుకు  ఈ మానవ జన్మ  వస్తోందో__  కొంత తెలుస్తూ ఉంది అక్కా_!""
  __గతంలో  కూడా నేను  మనిషిగా  పుట్టాను , అని తెలుస్తోంది _!  అప్పుడు కూడా  పాప పుణ్యాల కర్మలు చేశాను __;
__ అంత్య కాలంలో భగవన్నామ స్మరణ చేస్తూ శ్వాస విడవడం వల్ల __ ఇదిగో __ఇ లాంటి సంప్రదాయ కుటుంబంలో  కి  భగవంతుడు నన్ను పంపిస్తూ ఉన్నాడని
  తెలుస్తూ ఉంది  _;_!
    _ ఈ  కర్మల లెక్కలు ఏమిటో _ నాకు తెలియదు కానీ అక్కా __ఈ విధంగా ఇలా గర్భ నరకం అనుభవిస్తూ  __ పోతూ ఉంటే _ఇంకా ఎన్ని జన్మలు  ఎత్తాలో __  ఊహిస్తే నే నాకు  భయం భయం గా ఉంది అక్కా__;""
__ అందుకే ఓ దైవమా_!!. నా మీద దయ ఉంచు_! మరల మరల జన్మ లేకుండా __నన్ను దయ చూడు _!, అని ఆవేదనతో _ ఆర్తితో_ ఆ పరాత్పరుని   ప్రార్థిస్తూ నే ఉన్నాను _;!"
_""అక్కా__! నాకు  తెలుసు నీ చుట్టూ ఉన్న ప్రపంచం _!!",  నీకు తెలియదు __; నీవు చిన్న పిల్ల వి  ,_!! ఇంకా అజ్ఞానం లో ఉన్నావు _!"",
__"నీకు నేనొక బ్రహ్మ రహస్యం చెబుతాను .__ జాగ్రత్తగా విను _ అక్కా _!'
  _" నేను ఇపుడు ఉన్నది , ఈ ,మాంసం ముద్ద లాంటి  ""మావి ""అనే తొడుగు సంచీలో ,_!;
""అమ్మ నాభి నుండి _ ఆహారం_ నీరు నా పొత్తి కడుపు కున్న నాభి గొట్టం ద్వారా నాకు   అందుతూ ఉన్నాయి _;
ఈ మావి లో నేను విడుస్తూ ఉన్న మల మూత్ర ముల లోనే నేను  కదులుతూ_  నా జీవన చర్యలు దుర్వాసన భరీస్తు క్షణం ఒక యుగం లా  _ రోజులు లెక్కపెట్టుకుంటు  గడుపుతూ ఉన్నాను ,_!
  __సర్వ ప్రాణులు కూడా తల్లీ గర్భం లో_ ఇలా  అండం నుండి పిండం  ఆకారం  ఏర్పడే వరకూ_ ఉంటూ  ఈ దురవస్థ పడాల్సిందే కదా  అక్కా _!""
అంతే కాదు_!
ఈ దశలో _ ప్రతీ ప్రాణికి_ గత జన్మ గురించిన జ్ఞానం కొంత ఉంటుంది , _! ఎవరూ   కూడా ఇలా జన్మ పరంపర  లో చిక్కుకొని ఉండాలని _ కావాలని కోరుకోరు కదా_!"
__""కానీ అక్కా _తప్పదు_ ఈ భ్రమణం _!
  ఎంత కాలమో _తెలియదు_?
చిత్రం ఏమిటంటే , _మాతృ గర్భం నుంచి
  బయటకు వచ్చాక__ మనం  ఇదంతా మరచి పోతూ ఉంటాం _;;
భగవంతుడు విధించిన కర్మలు అనుభవిస్తూ   కూడా __ ఇదంతా అతడి మాయా ప్రభావం అని_ తెలుసుకోలేని  దయనీయ స్థితిలో పడిపోతూ__ సంసార కూపంలో మునిగి__ కర్తవ్యం మరచి ,_  కర్మలు చేస్తూ    ఉంటాం _!
  అజ్ఞానం అవిద్య ,అహంకారం తో ఉత్కృష్టమైన మానవ జన్మ ను వ్యర్ధం చేస్తూ ఉంటాం_!
అక్కా , _!
నీవు చెప్పింది నిజం ,_!
  అమ్మను మించిన దైవం లేదు ,_!
అమ్మ ప్రేమను మించిన ఆనందం లేదు _!
"కష్టం "అనేది  పరమ పవిత్రమైన అమ్మ ప్రేమకు దూరం అయినప్పుడే , అనుభవానికి వస్తుంది _!;
  దేవత లాంటి  ఈ అమ్మను ఇచ్చింది  ,అమృతమైన ఆమె  దయ ప్రేమ అనురాగం  మనకు అందించింది ఆ దయామయు డే కదా _!!"",
__" అక్కా ,ఇదంతా ఆ  జగన్నాథుడు ఆడిస్తూ ఉన్న  ఒక వింత నాటకం _!""
   _"అక్కా_! మన అమ్మ చేస్తున్న పూజ ,__ లో లోపల చేస్తున్న శ్రీ మాత్రే నమః అనే నామ జపం __,నాకు ఎంతో ఆనందాన్ని శక్తిని   చైతన్యాన్ని కలిగిస్తూ ఉంది __!
అంతేకాదు _ అక్కా _!
__   దీనికోసం  ఆ ""అమ్మలగన్న యమ్మ ""ను అనునిత్యం స్మరిస్తూ ,,పుట్టబోయే తన సంతానానికి  జగన్మాత పై భక్తి భావ సంపద ను రంగరించి పోస్తున్న  ఇలాంటి  అమ్మ కడుపులో మళ్లీ మళ్లీ జన్మించా లి అని నాకు  __!" అనిపిస్తూ ఉంటోంది అక్కా_;!
  మనం    ఎంత పుణ్యం చేసుకున్నా మో_ కానీ   _"",ఇంత మంచి పుణ్యాత్ము ల ఇంటిలో జన్మిస్తూ ఉన్నందుకు _ గర్వంగా సంతోషంగా ఉంది సుమా _!!
   "" ఓ పరందామా _; , నిన్ను నిరంతరం  ఇలా _తలచే_ కొలిచే __సేవించి_ తరించే _ఈ తలిదండ్రుల వలె ___మాకు కూడా _నీ పరమ పావన చరణ కమలాల పై  మాకు భక్తిశ్రద్ధలు కుదిరే లా__ మమ్మల్ని అనుగ్రహించు_ తండ్రీ _!""
హే పరమాత్మా_!""
హే ఆర్తజన శరణ్యా _!"
అంటూ  మనం ఎప్పుడూ శరణాగతి చేస్తూ ఉండాలి  ._ అక్కా _!"
ఆ హరి నామ రూప ధ్యాన గాన స్మరణ భావన తప్ప __మన జీవాత్మ   ఉద్దరింపబడటానికి _
మరో  వేరే దారి లేదు  కదా
అక్కా_;""
వింటున్నావా __లేదా _??""
  _ గుర్తు వినిపిస్తూ ఉంది _! అయ్యో_!
  నిద్ర పోయావా _!
అవునులే ,_!
అమ్మ అనురాగ పొత్తిళ్ళలో పడుకున్న బిడ్డకు _, అమ్మ పాడే జోల పాట కు లాలన కు   __ నిద్ర  రాకుండా ఉంటుందా _!""
ఆహా _! ఏ స్వర్గ సౌఖ్యాలు కూడా అమ్మ ఒడికి సాటి రావు కదా _!""
_ బహుశా ""బ్రహ్మానందం""  అంటే ఇదే కాబోలు , _!;
_" నిజంగా  ఆ భగవంతుడు  ఎంత దయామయుడు ?? అక్కా _;""
స్వయంగా _ ఇలా  "అమ్మ"" రూపంలో వచ్చి చిన్నారి పాపలకు _ఆలన పాలన  _ తన ప్రేమానురాగాలు  కురిపిస్తూ_  వాటితో మురి పిస్తు_ అందని  స్వర్గ సుఖాలను మనకు  అందిస్తూ ఉన్నాడు కదా _!
   __""జీవాత్మ _పరమాత్మ" అనుసంధానం అంటే , ఇదే కదా _!""
__ తన సంతానాన్ని తన  ఒడిలో  ఆప్యాయంగా పొదుగు కోని  __ అమృత తుల్యం అయిన తన  చనుబాలను ఇస్తూ ఉంటే__ అప్పుడు _ ఆమె  బిడ్డ అనుభవించే. ఆ  మధురానుభూతి.  __
యశోదా మాత  పొత్తిళ్ళలో హాయిగా శయనించి ఆమె  చను పాలను త్రాగుతూ _ ఉంటున్న _ సాక్షాత్తూ ఆ శ్రీమన్నారాయణుడు _ గోపాల కృష్ణ భగవానుడు _ పొందిన  పరమానందం కంటే_ మన అమ్మ వద్ద మనం పొందే అనందం __ తక్కువేమీ కాదు కదా _!
" ఆహా _!
అమ్మా_!_; నీకు శతకోటి ప్రణామాలు__ సమర్పిస్తున్నాను_;
అమ్మా  _!అమ్మా _!అమ్మా_;"_!"
అంటూ భావిస్తూ ఉంటే_ ఆహా _; నాకు కూడా ఎంత  హాయిగా ప్రశాంతంగా ఉంటోంది _ సుమా _!!
నా
బాధలన్నీ మరచి పోతూ _ క్రమంగా  సుషుప్తి అవస్థ లోకి జారి పోతున్నాను సుమా  అమ్మా _!
_"ఏ ప్రాణీ కైన  ,,ఎన్ని జన్మ లె త్తినా తీర్చుకోలేనిది అమూల్యమైన __  నీ , ఈ మాతృ ఋణమే కదా _
అమ్మా __;_;
నీవు దన్యు రాలివి  తల్లీ _!
ఏ ఆనందాన్ని ఆశించి_ సృష్టి లో సకల  ప్రాణులు జన్నిస్తూ ఉంటు న్నాయో __ఆ  ఆత్మానందం నీ సాన్నిధ్యం లో ప్రాప్తిస్తుంది  కదా _! అమ్మా _!
అటువంటి మాతృ మూర్తి వైన "తల్లీ _!
నీకు మనసా_ వచసా _శిరసా వందనాలు_! _!
స్వీకరించు __!
అమ్మా__!
_" ఎదో ఒక రకంగా _నిన్ను సేవించు కోవడం కంటే మించిన మహా భాగ్యం_ పృత్విలో     మరెక్కడా లేదు కదా _!
అందుకే
    మాతృదేవోభవ_! పితృదేవోభవ_! ఆచార్యదేవోభవ_!
  స్వస్తి _!
హరే కృష్ణ హరే కృష్ణా_!